ჩვენი კომპანია

კომპანია „ბიოდიზელი ჯორჯია“ დაარსდა 2017 წელს. ჩვენმა კომპანიამ პირველად საქართველოში და მთელს სამხრეთ კავკასიის რეგიონში შემოიტანა და დანერგა ინოვაციური ტექნოლოგია, რომლის საფუძველზეც აამუშავა ბიოდიზელის ქარხანა და დაიწყო სუფთა, განახლებადი, ეკო-მეგობრული საწვავის - ბიოდიზელის წარმოება. აქედან მოყოლებული ქარხანა წარმატებით მუშაობს, მუდმივად ვითარდება და ზრდის პროდუქციას.

ჩვენი ქარხანა გადაამუშავებს მეორად (გამოყენებულ) მცენარეულ ზეთებს, როგორც ბიოდიზელის საწარმოო ნედლეულს. ჩვენს კომპანიას უკვე შეგროვებული აქვს თითქმის მილიონ ლიტრამდე მეორადი ნარჩენი ზეთი რომლისგანაც აწარმოა 500 ტონა ლიტრი ოდენობის ბიოდიზელი. ამ გზით კომპანიამ დაზოგა ათას ტონაზე მეტი ნახშირორჟანგის ემისია ატმოსფეროში.

ამასთან ერთად კომპანია „ბიოდიზელი ჯორჯიამ“ დაამუშავა და 45 ჰექტარი მიწა მარნეულის და საგარეჯოს მუნიციპალიტეტებში და დათესა მცენარე რაპსის (ლათ. Brassica napus) კულტურა. ამ მცენარისგან მიღებული ზეთი ძალიან კარგი ნედლეულია ბიოდიზელის საწარმოებლად, ხოლო მცენარე რაპსისგან მიღებული კოპტონი შესანიშნავი მასალაა მეცხოველეობისათვის კომბინირებული საკვების საწარმოებლად. ამგვარად ჩვენმა კომპანიამ  ახალი იმპულსი მისცა აგრობიზნესის განვითარებას და დივერსიფიკაციას საქართველოში.